絲絲講場：貝索斯身家勁縮 前妻上榜

而微軟創辦人蓋茨身家則重上千億美元，以1,060億美元（約8,268億港元）身家續居第二位，股神巴菲特排第三位，身家808億美元（約6,302億港元），變動不大。

麥肯齊擁二千八億

之不過，今次富豪榜最有趣嘅地方係，貝索斯身家突然大幅縮水，皆因早前與前妻麥肯齊正式離婚，分咗幾百億美元身家畀佢，同時亦令佢首次上榜，以361億美元（約2,816億港元）身家於整個榜排第十五位，以及進身美國第三大女富豪，僅次於沃爾瑪繼承人之一嘅Alice Walton及科氏工業（Koch Industries）繼承人Julia Koch。

至於成個榜嘅第四至十位，依次為Facebook創辦人朱克伯格、甲骨文行政總裁埃利森、Alphabet聯合創辦人佩奇和布林、紐約前市長彭博、微軟前行政總裁保曼、沃爾瑪繼承人之一嘅Jim Walton。

另外，今年上榜嘅400位美國富豪總身家達破紀錄2.96萬億美元（約23.09萬億港元），按年增長2.2%。佢哋平均淨身家有74億美元，較去年增2億美元。

余絲韻