絲絲講場：拼多多註冊商標百密一疏

拼少少搶先機有後着？

據了解，拼多多母公司上海尋夢信息技術大多係從字形同功能角度反抄襲，可惜偏偏就無睇到反義詞，所以走漏咗拼少少呢個商標。

拼多多舊年喺美國納指上市，發展得順風順水，截至周二止，股價收報32.75美元，今年來累升逾45%，公司最新市值381億美元（約2,972億港元）。點知無情情有個註冊商標咁似嘅拼少少出現。

到底呢間拼少少有咩來頭？內媒爆料，原來佢係由深圳虹新零售企業管理有限公司營運，而拼少少舊年年底宣布上線，但佢根本無申請軟件著作權，得個網頁備案，就連公司嘅App都未見完成。

雖然公司無實際產品及服務上線，但拼少少商標早就準備好，唔通佢真正目標並唔係發展社交電商，而只係想做商標買賣，賺番一筆就算？

余絲韻