絲絲講場：金管爆盈富《漣漪》大陣仗

一九九九年盈富基金上市嗰陣，有大大小小嘅難題出現，但呢啲對佢同一班同事嚟講，都係可以解決嘅問題，之不過，有一樣嘢就考起佢喇，令到佢頭都大埋。

設遴選委員會揀廣告歌

講緊係二十年前，盈富基金係一個全新產品，仲要面向零售投資者，需要宣傳嘅配合，究竟揀咩廣告歌最適合呢？

條宣傳短片好快就拍完喇，佢話黑白畫面都幾感人，但因為係默片，即係得畫面完全無聲嗰隻，所以要加埋配音，但揀咩背景音樂就令大家諗爆頭，經過一輪篩選，最後揀剩兩首歌，一首係鄧麗君嘅《甜蜜蜜》，另一首就係陳百強嘅《漣漪》。

最後仲要組成「遴選委員會」，經過民主投票之後，《漣漪》險勝，佢講笑咁話，呢個或者係成個盈富基金上市過程入面，最艱難嘅決定，最近佢仲特登搵番條宣傳片懷舊一番添。

余絲韻