近期港股氣氛主要圍住中美貿易戰發展、美國長短期債倒掛，及人民幣貶值速度等因素來轉。但中央早前支持深圳成「先行示範區」，相關概念股一度顯著做好，深圳控股（00604）股價就大彈過一轉，投資者若然想穩中求勝，又想食一食先行示範區條水，亦不妨轉吼深圳高速公路（00548）。
深高速本來屬公路股，一向以防守為主，但集團早前公布一九年上半年業績收入26.99億元人民幣，盈利按年增加62.7%至15.76億元人民幣，表現唔錯，加上如今多一個概念可炒，走勢又靚仔，再炒上其實唔難。
策略上，該股股價昨日升5%報9.67元，上破早前橫行阻力區，企穩多條主要平均線，MACD牛叉持續擴闊，14日RSI為66，走勢利好，值得吼位跟進，短期目標10元，跌穿50日線約9.3元止蝕。
帥哥