絲絲講場：亞馬遜賣埋屋 28萬有貨

中國製造 面積320呎

據了解，以上微型小屋係由中國威正恒集團（WZH Group）製造，每間小房屋售價3.68萬美元（約28.7萬港元），另加自付嘅1,000美元搬運費。

來自中國河北石家莊嘅威正恒，喺內地專門生產貨櫃小屋，呢種微型小屋提供太陽能及風力發電系統、一間浴室、一個廚房以及一個可以控制房子液壓系統膨脹或摺疊嘅遙控裝置，而微型小屋面積約320方呎。

根據美國房地產商Zillow稱，WZH集團嘅貨櫃小屋售價，相對於美國房屋中位數價格22.7萬美元，實在平得多。而買家仲可以指定房子嘅建築材料。

由於美國小家庭近年嘅住屋需求變得愈來愈大，WZH集團生產嘅微型小屋正好登陸亞馬遜，而據該集團網上調查了解，原來大多美國小家庭對於購買600方呎以下嘅貨櫃小屋都有好大興趣！

余絲韻