絲絲講場：曠視搞AI請人要夠「狂」

印奇話，塑造偉大嘅公司需要各類人才，而佢哋公司最希望招攬有熱誠、敢於思考嘅人才。「我們尊重有瘋狂想法的人才，以及能夠令到不可能成為可能的人。」

生意是場無限遊戲

他又說，有限遊戲通常受時間限制，有贏輸雙方及明確嘅規則；但無限遊戲會一直持續，規則同參與者也會不斷改變。AI創新就係一場無限遊戲：它始於幾十年前，並最終將會超越這個時代。曠視科技家陣正發力，從多個角度探索AI技術、產品、商業模式和生態系統嘅高度融合。

曠視科技係由印奇、唐文斌同楊沐喺一一年十月八日創立，三位創始人本科均畢業於清華大學電腦科學實驗班，公司創辦人團隊平均年齡僅31歲。印奇、唐文斌同楊沐三人持股分別為8.21%、5.9%、2.72%。公司計劃最多集資10億美元。

曠視科技旗下主要產品包括Face++人工智能平台及FaceID在線人臉身份驗證平台，產品應用喺金融、手機、安防、物流及零售等領域，阿里巴巴、螞蟻金服、富士康及聯想等都係其客戶。阿里同螞蟻金服更合共持股近30%。

余絲韻