絲絲講場：名創優品「影子兄弟」湧現海外
內地生活雜貨名創優品（MINISO）主攻日式簡約氣質，原本以為佢哋係東洋良品嘅遠房親戚！估唔到，連自己喺東南亞都多咗班「影子兄弟」，其中包括MUMUSO、YOYOSO、XIMISO、MINIGOOD等，而且同一血統，都係來自中國！
六月時傳MINISO打算喺香港或美國上市，集資10億美元（約78億港元）。公司一五年起力拓國際市場，分店遍布全球79個國家，總數約3,500幾間，舊年營業收入170億元人仔！
內地巴打主攻東南亞
有見MINISO咁掂，大批「影子兄弟」隨之喺海外冒起，尤其喺東南亞。例如紅爆越南嘅MUMUSO，半年唔夠就喺當地開咗32間門店，商標上標明「.KR」，仲開舖開到南美危地馬拉。但查實MUMUSO係一四年成立於上海，中文名叫「木槿生活」。而紅透菲律賓嘅YOYOSO，商標同樣標明「.KR」，查實來自內地義烏，中文名叫「韓尚優品」；同樣來自烏義嘅仲有MINIGOOD，真身叫「尚優凡品」；而中文名叫「熙美誠品」嘅XIMISO，就開舖開到印度與尼泊爾。
余絲韻