絲絲講場：百元美鈔印多一倍仍供不應求
縱使「無現金社會」乃全球大勢所趨，但喺今時今日，100美元現鈔竟會供不應求？根據美國聯儲局公布數字顯示，雖然過去十年，當地100美元現鈔發行數量有增無減，不但逐步拋離1美元，整體增加幅度更係○八年金融海嘯以來近一倍。
八成在海外流通
不過，呢啲100美元現鈔並冇留喺美國，國際貨幣基金組織（IMF）數據顯示，估計接近80%嘅100美元現鈔持有者都係嚟自美國以外。如果計及所有美元現鈔，目前有超過60%喺美國境外，相比一九八○年只有30%。
IMF估計，其中一個主因係地緣政治不穩，令其他國家渴望持有現鈔，而美元作為「避險資產」，在例如委內瑞拉、中東等地甚渴市，當中更涉及不少「地下活動」，無法透過電子交易，以免留下「痕迹」。
余絲韻