絲絲講場：美息減硬策略員「落髮」贈興

市場對於美國聯儲局本周將宣布減息已無懸念，即係意味住有人要同自己把秀髮講拜拜。你問絲絲係邊個？咪就係承諾聯儲局唔減息就唔剪髮嘅富瑞首席市場策略員澤爾沃斯（David Zervos）囉，佢終於可以剪掉一把長髮嘅時候了！

富瑞仲話，如果客戶同員工可以籌到25萬美元（約195萬港元）作慈善，澤爾沃斯將會喺聯儲局主席鮑威爾嘅議息記者會後，上電視台直播佢「落髮」。為呢單嘢，富瑞承諾將捐出10萬美元（約78萬港元）添。

余絲韻

絲絲講場：美息減硬 策略員「落髮」贈興