絲絲講場：蓋茨慨嘆斷送四千億美元

微軟創辦人蓋茨日前出席一家風險投資公司主辦嘅活動時透露，佢一生人所犯最大嘅錯係，冇做好Windows Phone嘅手機作業系統（OS），去抗衡蘋果公司（Apple Inc.）嘅iOS，就係咁，畀咗Google嘅Android生存機會。

蓋茨又講到，軟件市場有「贏家通吃」（Winner-take-all）嘅特性，尤其喺系統平台領域上，仲有容納一個非iOS系統平台嘅空間。

佢仲話：「一個非iOS作業系統，大家估吓值幾多錢？咪等於4,000億美元將從G公司（Google）轉到M公司（Microsoft）囉。」

蓋茨又指，喺軟件世界，一個小小嘅錯誤都可以帶嚟巨大嘅災難，佢每逢夜晚瞓唔着嗰陣，就會諗番起呢件事。

佢又提到：「微軟現在係一家龍頭公司（A leading company）。如果當年無犯呢個錯誤，微軟將成為領導行業嘅公司（The leading company）。」

余絲韻