退休無憂：50後有樓有車位 堅持慳住使
「我覺得退休唔係要計你有幾多錢，而係停止工作後，生活有幾充實、有幾Meaningful！」6年前退休的50後Joseph Kam，現時是雨傘維修達人。對於退休要預備幾多錢，他笑指「冇得計、多多都唔夠使」，最重要是生活節儉。不過，他理財有道，早年以合共不足36萬元在低位買入車位及住宅，更直言買入住宅物業是人生最成功的投資。
Joseph生於五十年代，中七預科畢業後隨即投入職場，第一份工作是在旅遊公司任職領隊。他會帶同來自美國的客人到香港遊歷，又專門接待富裕遊客。「早於二、三十年前，香港旅遊業蓬勃，加上當年未盛行個人遊，因此任職旅遊業非常吃香，佣金唔錯之餘，也足夠餬口。」雖然他未有入讀大學，但因為不時接待美國旅客，所以英語水平突飛猛進，更為未來的工作鋪路。
擅睇時機轉行掘金
他回憶，香港經濟自一九八九年一落千丈，旅行社生意減少，但他對前景仍有信心，並在逆市下自立門戶，開設旅行社，身兼管理層及導遊，希望以優質股務吸引旅客。「人生中冇太多挫折，即使旅遊業冇以前咁吃香，我嘅公司都有錢賺。」
後來，眼見旅遊業慢慢走下坡，地產業發達起來，他毅然決定將有盈利的旅行社結業，轉戰地產界。當時，天水圍嘉湖山莊開賣，他就成為地產經紀。「當年賣得好，公司賺到錢，試過單月出糧幾十萬！但有時賣唔出樓就冇收入。」雖然做地產好搵，但工種並非自己特別喜歡。工作約三年，在朋友介紹下，他到一間特許經營公司工作，協助將美式麵包餐廳的經營及製作理念引入香港。
當年他曾一人到美國進行特訓。「好彩曾做旅行社，練得一口流利英語，嗰個年代一個人出差都咪話唔驚！」最令他驚心動魄的是抵達後第二天，公司給他一輛車代步，但從未在外地駕車的他卻很害怕。
在美國特訓八周後，即回港協助公司在本地開分店。公司於沙田、葵涌都有門市，「或者係麵包價格較高，又或者係開舖地點唔合適，生意唔太理想。」此時，剛巧又有朋友介紹他到珠寶公司工作，他成為出口貿易行政經理，主責公司大小事務，如公司出品、任何運作事宜，甚至連公司裝修，他都一一包辦，結果一做就是十幾年，並成為退休前最後一份工作。
早年按息30厘未驚過
回望過去幾份工作，他笑言個人幸運，從未試過自己搵工，通常是朋友找他合作。不過他坦言，過去未有賺大錢，最多是高峰時期任職地產月入數十萬元。在他人生中，最大保障是買了一層樓，「我29歲嗰年結婚，婚後冇耐就生咗女，當然要有瓦遮頭！」
在八十年代，他僅以33萬元買入荃灣一個單位，向銀行敍做九成按揭。雖然樓價低，但高峰時期按揭息率高達30厘，月供4,000多元。他慶幸那時在旅遊公司工作薪高糧準，有時月入更達7,000元，以當時物價而言，收入確不俗，所以能夠輕鬆地供樓。
車位放租 現值過百萬
另外，他又於八十年代以2.8萬元買入荃灣區車位，目前以3,000元放租，算是退休後被動收入。據網上資料，該區車位目前已升值至過百萬元。
他笑指，現時生活節儉，雖然可以兩元的長者乘車優惠乘坐公共交通工具，但為身體健康着想，1小時內的路程也會步行，並希望可以每天堅持。
由於以往工作所需，基本上他已遊歷半個地球，故現較少外遊，並可省回一筆開支，更指香港「大把靚景睇」。其實，退休不一定要環遊世界，只要內心富足，生活安穩便夠！