Market Insight：資金輪動 轉捧內需股

不過，港股係咪咁好景，其實又未必，起碼啱啱公布的香港首季本地生產總值（GDP）按年僅增長0.5%，遠遜預期。到底「低增長」會否成為常態，係一個需要深究的問題，而市場氣氛會唔會受影響又係另一問題。

國策鼓勵積極消費

另外，睇番昨日個市，單係友邦保險（01299）已升4.1%，其實已推高恒指120點，若再加埋滙控（00005）、港交所（00388）、中國平安保險（02318）、領展房產基金（00823）及騰訊（00700）五隻藍籌一共貢獻108點，即係上述六股已推升恒指228點！

板塊方面，部分內需股昨日起動，其中食品股如維他奶（00345）、蒙牛乳業（02319）、康師傅（00322）、青島啤酒（00168）及雨潤食品（01068）分別升3.7至12%不等。市場又唔係有利好消息，似係資金趁氣氛好轉伺機炒轉。目前值唔值得追？又係要睇番基本面。

當然，內需股幾時都話係中線投資組合不可缺少的一員，事關外資進入A股市場，買內需可謂最穩陣之選，而隨着外圍一眾世界指數增加A股比例，大戶亦要順勢增持內需股。更重要一點係，推動內需消費增長乃主要國策，相關板塊前景值得看高一線。

以圖論勢，維他奶、蒙牛、康師傅及青啤走勢同樣不俗，惟從估值作考慮，四者往績市盈率分別為74倍、33倍、26倍及43倍，睇落都唔叫平，未來盈利增長表現能否「稱職」並支持股價再上一層樓，相信要從日後公布的業績去找答案。

物管股業務有保證

若然已持貨者，股價一旦跌穿升軌支持，就必須先行止賺/止蝕；反之，未持貨者就算有膽高追，亦建議先忍忍手，靜候回調吸納。

此外，物業管理股又再發威，中海物業（02669）、奧園健康（03662）、彩生活（01778）以及碧桂園服務（06098）均升逾3%，整體表現唔錯。

從行業分析，阿爺早前重申「房住不炒」言論，惟物管股其實不太受樓價上落影響，加上普遍有作為內房的母公司在背後支撐，業務有一定保證。既然資金重新押注，看官亦可搵番隻心水股炒吓。

古勝