絲絲講場：永隆司庫教點發過豬頭
今個豬年到底點投資先可以豬籠入水？招商永隆銀行司庫蕭啟洪（Terry）就提出兩大秘訣，第一係打麻雀「豬上家」策略，第二要識「豬光寶氣」投資大法，即係點樣先可以發大財？
話說招商永隆最近舉行一場豬年投資攻略論壇，Terry作為銀行司庫當然特別有心得可以分享。佢以打麻雀「豬上家」策略寄語客戶，唔好以為現時投資環境穩定而有所鬆懈，應該繼續謹慎投資。其次就可以多啲留意「豬」光寶氣嘅另類投資產品，例如金器、供應有限嘅商品。
雖然今次活動以投資為主，包括中國股票市場相關投資策略、美元債券及低波幅股票市場展望，但銀行亦專誠請堪輿學家李丞責分享豬年運程添。
余絲韻