絲絲講場：Twitter主腦畀朱仔一餐嚇窒

話說Twitter創始人杜斯（Jack Dorsey）近期接受外國雜誌訪問時，被問到佢同Facebook創始人朱克伯格（朱仔）兩人共處嗰陣印象最深刻係乜野。

親手劏羊擺鴻門宴

點知，杜斯竟然話，有一年朱仔為佢做咗一餐羊肉晚餐，仲係親手殺咗隻羊。

杜斯形容，雖然朱仔無喺佢面前殺死隻羊，但估計朱仔喺佢未嚟之前，就用把電槍先電暈隻羊，再用刀殺死佢，最後交畀屠夫處理。朱仔亦都承認係佢殺咗隻羊，搞掂後放入焗爐烹調大約30分鐘，之後仲親自將隻羊放喺餐枱上面，但啲羊肉係凍o架。結果杜斯全晚只係食沙律，所以印象咪咁深刻囉！

訪問杜斯嘅雜誌社朋友都認為，難以了解朱仔嗰次有乜寓意。不過，杜斯話希望呢樣唔會成為頭條，仲加咗一句「Revenge is a dish best served warm. Or cold」，唔知係咪想暗示「君子報仇，十年未晚」呢？

余絲韻