絲絲講場：騰訊視頻搞埋主題樂園

話說早喺一六年六月，騰訊視頻針對兒童推出視頻App「小企鵝樂園」，近日兩個集團達成合作，實行網上網下連線，將「小企鵝樂園」打造成專為兒童提供娛樂和教育一體化嘅世界兒童主題樂園。

度假村選址京滬深

而呢次喺「小企鵝樂園」落戶嘅係夢幻嘉善，係該集團全IP理念打造嘅標竿項目，過往曾打造過多個第一，如全球第一個將室外景觀打造成主題樂園、全球第一個鹿精靈線下體驗館、全球首個能自選節目嘅兒童專屬劇院、內地首個真正嘅親子度假酒店等項目。

今次騰訊視頻「小企鵝樂園」是兩個集團網上網下融合，目標係成為世界兒童主題樂園嘅標竿。據了解，計劃先在京、滬、深三大城市建設「小企鵝樂園」主題公園及度假村。