絲絲講場：大跌市股神靠讀詩撐住？
上周美股連日暴瀉，全周計道指累跌超過1,100點，嚇到散戶心都離一離。不過唔使驚，可以學股神巴菲特點面對投資生涯嘅低潮。好似二○○八年金融海嘯期間，其投資旗艦巴郡股價曾挫51%。面對大跌市，股神建議睇篇勵志詩歌。
呢首詩出自一九○七年諾貝爾文學獎得主嘅英國小說家吉卜林（Joseph Rudyard Kipling），首詩係佢喺一八九五年寫嚟鼓勵個仔，名為「If」（如果）。
而股神推薦呢首詩，目的係叫大家喺市場陷入恐慌時要鎮定。股神喺舊年嘅致股東信件中，向股東推薦呢首詩，希望大家得到慰藉同動力，今次又適逢大跌市，右邊節錄部分詩句，畀跌市嚇親嘅絲絲睇完即刻定番唔少。
余絲韻