絲絲講場：Netflix騎呢測試高層唔合格照「叮」
網絡電視Netflix出名創新，連炒人都有自己一套。CEO黑斯廷斯話，佢不時要求公司職員做去留測試（Keeper Test），嚟評估佢哋仲適唔適合繼續做呢份工。想辭職嘅員工更可透過呢個測試，喺受尊重嘅情況下離職，仲有筆慷慨嘅遣散費，而Netflix亦可以及時搵到適合嘅員工。
外界質疑CEO排除異己
黑斯廷斯又深信呢個Test幫到員工維持高質素嘅工作效率，令作品更出色，而少控制同更強嘅問責制令員工能做出更明智，更有創意嘅決定。
不過外界批評去留測試喺職場政治工具，用嚟趕走唔受歡迎嘅人，Netflix就指測試公平公正，炒人唔使顧人情而左諗右諗！好似黑斯廷斯相識18年嘅老友，公司生產總監Neil Hunt舊年做完個Test就畀佢炒咗，佢認為Hunt嘅能力唔能夠滿足公司需求。不過，大方嘅Hunt就話自己都會選擇喺適當時候離職，會將情感同工作分開。
阿CEO講到做個Test係一家便宜兩家着，絲絲想問佢本人有冇做？結果又係點？
余絲韻