絲絲講場：馬斯克發癲自刪CEO職銜
電動汽車公司特斯拉（Tesla）CEO馬斯克又發癲！佢周一喺自己嘅Twitter話，上個禮拜佢已刪除自己喺Tesla嘅CEO職銜，但無講細節。Tesla對此無即時回應。
馬斯克喺Twitter上咁寫：「上周我刪咗喺Tesla嘅CEO職銜，想睇吓之後會點。我依家係公司嘅無名小卒，但睇嚟都無乜問題。」
睇番Tesla官網嘅投資者關係頁面，馬斯克之前個朵係主席、產品設計師同CEO。絲絲再上官網，馬斯克果然無咗CEO個朵。
馬斯克隔無耐又再喺Twitter上發文表示：「按照法律要求，企業高級管理層必須係主席、財務總監和執行秘書。我估我要保留第一個職銜，如果唔係監管者會感到困惑。」
之不過，目前Tesla官網嘅最新顯示，馬斯克仍然喺無職銜嘅無名小卒！
余絲韻