絲絲講場：冠君CEO減壓 玩足十年瑜伽
冠君產業信託（02778）行政總裁王家琦昨日參與由公司租戶舉辦嘅「椅子瑜伽」活動，旨在透過簡單瑜伽運動，希望香港人關注精神健康。
數據顯示，每6個香港人就有1個有情緒問題，其中一個成因係工作壓力大，而椅子瑜伽方便易做，可以喺辦公室利用短短嘅休息時間進行，適合工作繁忙嘅香港人「鬆一鬆」。
瑜伽教練Cecil表示，香港人經常要坐喺辦公桌前用電腦打字，坐姿好重要，想保持健康，最緊要坐正，即腰背挺直，想像頭頂有一條線吊住自己，就可以保持頸部沒有壓力，可以放鬆。
王家琦笑言，雖然做咗瑜伽10年，但筋骨較硬，至今仍未能做出一些高難度動作。
余絲韻