絲絲講場：Apple第一代PC 292萬元成交
屋企有呢部電腦，隨時帶挈你有份首期買樓！講緊嘅係，蘋果公司（Apple Inc.）已故創辦人喬布斯與佢當年位拍檔沃茲尼亞克（Steve Wozniak）喺一九七六年生產嘅第一代蘋果電腦Apple-1。
42年升值逾千二倍
呢部Apple-1今個星期喺一個拍賣上，以37.5萬美元（約292.5萬港元）賣出。相比當年買入價300美元（約2,340港元），即42年賺1,249倍！
呢款電腦係由喬布斯與沃茲尼亞克親手設計，屬第一代唔使買家自己焊嵌嘅個人電腦，當年只生產咗200部，現知僅餘16部仍可運作，剛成交嘅呢部就係其中之一。更罕有係，呢部嘅原型開發板仲係全新未用過嘅！買咗返屋企，斷估要裝香供奉。
余絲韻