絲絲講場：「股評家醫院」睇病攞貼士？
「股評家醫院」？唔通睇醫生可以攞炒股貼士？實情係，香港股票分析師協會一眾股評人喺內地捐錢起醫院，所以咁命名。
分析師捐錢起4間
該協會永遠榮譽會長林家亨（Simon）早幾日去咗湖南長沙為其中一間醫院主持開幕儀式。協會一共喺內地鄉鎮助建四間醫院，湖南長沙呢間主要由永遠榮譽會長藺常念捐嘅，而林家亨捐嘅一間喺陝西，預期明年首季起好。 Simon話，呢幾間醫院嘅起動資金數十萬元，再搵埋親朋戚友合資七位數字，但都係佢哋出豉油、地方政府出雞，總共要千幾萬元先興建到。
余絲韻