絲絲講場：朱仔家姐原來都係教主
講起社交網站Facebook教主朱克伯格（朱仔）個名，相信大家一定唔會陌生，但原來佢有個親生嘅「朱家姐」叫蘭迪（Randi Zuckerberg），佢同樣係媒體教主。
呢位36歲嘅朱家姐亦曾經喺Facebook工作，不過十幾年前離開，佢依家寫書、製作電視節目兼投資創業公司。
出書教處理生活問題
佢最近出咗本新書《Pick Three》，主要教人點自如地處理各種棘手嘅生活問題。
佢話，生活係一場無情嘅選擇，事關無可能要晒所有嘢。如果有五個類別—「工作、睡眠、朋友、家人、健康」，咁就喺每日揀三樣做好，唔好將時間浪費喺另外兩樣嘅內疚上。
余絲韻