絲絲講場：華新手袋主席搞過茶餐廳

唔夠伙記返工 直言辛苦錢

佢哋日前就喺傳媒午宴上自爆開過茶餐廳，開頭仲好開心添，日日數銀紙數到手軟。不過，後來周不時聽到樓面唔夠人、廚師又扭計唔返工等負面消息，就覺得閉翳，數錢數到手軟都彌補唔到煩惱，直言做餐飲嗰啲係「辛苦錢」！

於是，時移世易，佢哋就話，做手袋比較開心！雖然柬埔寨嘅手袋廠喺鄉郊地區，日落後就黑麻麻，乜都冇，生活係苦悶啲，但見住間廠愈嚟愈大，員工又愈嚟愈多，好有成功感！最重要係咩？賺到錢呀嘛！

柬埔寨廠人工平東莞七成

講開柬埔寨嘅手袋廠，馬慶文就同絲絲講，柬埔寨廠房正進行第二、三期擴充，未來將會取代內地嘅廠房，成為公司主要生產基地。

佢仲話，無他嘅，柬埔寨工人每月人工平過東莞七成，喺邊度開廠會着數啲，條數好易計啫！

余絲韻