絲絲講場：台積電張總退休 老婆最開心
有「半導體教父」之稱嘅台積電董事長張忠謀尋日正式退休，離開佢打拚咗三十年嘅公司，佢太太張淑芬肯定最開心，直頭話「感謝台積電把老公還給我！」
太太仲話，老公企喺台上時，就係佢偶像，不過一返到屋企，張忠謀就係佢「最愛、最疼、最寵的小孩」，佢仲大讚老公好體貼添。
張忠謀舊年十月宣布退休，佢當時講笑話，假如人可以長生不老的話，會繼續做落去，喺台積電係佢人生中最興奮嘅日子，但天下無不散筵席咁話。
退休後想做乜？張忠謀話係寫自傳、打橋牌、讀書同旅遊，要把餘年留畀自己同家庭。佢話，退休後會再度提筆，繼續未完嘅自傳下冊。
余絲韻