絲絲講場：日本經濟學見「眉」知著？

興濃眉時日股創新高

話說日本最大化妝品公司資生堂研究發現，八十年代經濟最蓬勃時，當地女性興濃眉，日股亦於八九年尾升到歷史高位；但當遇上石油危機嘅七十年代及經濟停滯嘅九十年代，女性轉為偏愛幼眉，日股亦由高位跌咗至少五成。

連東京SBI證券分析師雨宮京子亦話「眉毛粗幼與裙嘅長短趨勢，好類近經濟循環，唔好低估呢啲迹象，事關歷史係不斷重演！」雨宮睇日股睇咗超過三十年，唔係講笑！

咁最近眉毛走勢點？資生堂話，一三年起興番濃眉，最近又開始Out Out哋……

究竟眉毛指標能否面向全球，而唔只局限係女性喜歡畫眉化妝嘅日本，日本Dalton資本公司基金經理松木史雄好認真咁講，眉毛指標與環球股市表現真係有關。

指標預示大市轉角位

佢仲話：「濃眉流行趨勢到尾聲，可能顯示投資者選股取向改變」，由於美債孳息率上升，過去一直靠低波幅及低利率支持嘅股市，現已面臨關鍵轉向位。信不信由你！

余絲韻