中環金融圈尋日除咗睇實美國十年期債息升穿3厘呢個心理大關，就係喺度瘋傳「吉利羅佑」！咩事呢？
吉利汽車（00175）宣布間接持有99%權益嘅子公司「吉利羅佑」，前日同日本波箱生產商愛信AW簽約設立合資公司，「吉利羅佑」將出資4,680萬美元（約3.65億港元）佔合資公司40%權益，其餘60%權益由愛信持有。
「吉利羅佑」嘅合資公司會生產同售賣前輪驅動6檔自動波箱同相關零部件，事關國家對汽車燃油消耗監管嘅要求愈嚟愈嚴，令大型車廠要配備更先進嘅高燃油效益波箱，開合資公司希望可以確保吉汽呢方面嘅貨源。
其實整開日本車嘅廣汽集團（02238）前日亦同愛信AW簽咗份差唔多嘅合資公司協議，廣汽全資子公司同愛信AW嘅持股比重都係四比六，廣汽出資7,020萬美元，計劃二○年開始每年整40萬個6檔自動波箱。
單Deal無乜嘢，但何解瘋傳兼話個名「最痛」？你懂的。
余絲韻