又有內地獨角獸（即估值超過10億美元嘅初創企業）想喺出年上市！外媒報道，內地最大網上補習集團iTutorGroup有意一九年上市，地點有可能係香港或美國。
呢間公司特別之處在於係籃球明星姚明有份，姚明不單止係代言人，仲係投資者同榮譽董事添。
除咗姚明外，iTutorGroup仲有唔少星級投資者，淡馬錫、新加坡政府投資公司（GIC）、中俄基金、高盛、銀翎資本及阿里巴巴等，合共投資超過3億美元。有傳集團計劃下年喺香港或美國上市前，籌集最多3億美元資金，目標令公司估值增加到20億美元（約156億港元）。
余絲韻