絲絲講場：領展導盲犬BB搵小學生起名

領展房產基金（00823）「愛‧匯聚計劃」資助香港導盲犬協會喺香港繁殖導盲犬，狗媽媽順利誕下6隻可愛Baby，現正由60間小學嘅學生，分組合力為狗BB以英文字母「S」起頭改名，最快下周一（二十六日）公布結果。

新名以「S」起頭

來自澳洲嘅種犬媽媽Fleur上年年底誕下6隻港產狗BB，兩仔四女，全部與媽媽一樣屬黑色拉布拉多犬。

香港導盲犬協會按狗隻抵港或出身次序排序，並決定咗呢6隻小狗個名以英文字母「S」為名字起頭。

今次60間小學會分成6組，每組以投票數量最多嘅名字為入選名單，最後會從中抽選6個名為6隻狗BB命名。

獲抽中名字嘅小學可獲香港導盲犬協會送出禮物一份，當中包括附有狗BB相嘅命名證書一張o架！

余絲韻