絲絲講場：永隆鍾少權雪中浸溫泉
永隆銀行助理總經理兼零售銀行部主管鍾少權（Derek）趁聖誕前「進擊昇龍道」，啱啱去咗日本中部，俗稱「昇龍道」9個縣中嘅部分景點，好似鳥羽、伊勢、飛驒高山同白川鄉等。
過完聖誕提早復工
雖然Derek去旅行一向享受自駕遊，但今次撞正風雪，只能喺近海揸車，之後改搭JR鐵路。Derek話為咗安全，落雪唔適宜揸車上山，但換個角度，佢可以落住雪浸溫泉係一大享受，仲欣賞到世界文化遺產白川鄉雪景。
近排好多賓卡都趁聖誕連住新年一口氣放番個長假，點解Derek要聖誕前去日本「叉電」？
佢就好坦白咁話要返香港同屋企人「做冬」，所以過完聖誕，已經提早「復工」。
余絲韻