孖妹S檔案：用AI管理ETF 贏硬股神？

Andy：晉裕環球資產管理投資研究部策略師 黃耀宗

Alex：豐盛金融資產管理董事 黃國英

Raphael：Horizons ETFs Management（Canada）Inc.助理副總裁 周志燧

近期兩ETF上市 智能揀股

Kitty：講起AI，你會諗到咩？

彩兒：Google研發嘅人工智能棋手Alpha Go幾乎擊敗所有棋王！你隻基金怕唔怕被AI打低？

Alex：無人駕駛、做打遊戲機對手，都係用緊AI系統。AI投資確係趨勢，但我隻基金今年都賺近五成，唔易被打低。

市場調查機構IDC指，全球的認知及AI系統投資在二○二一年將達到576億美元，預計一六至二一年AI投資金額嘅複合增長率高達50.1%。AI應用領域廣，零售業同金融業就係AI投資最多嘅產業，料一七年喺金融領域嘅投資金額將達17.2億美元。

Kitty：AI點樣幫到金融業發展？

Andy：AI識選股，透過學習同分析多年數據同經濟周期等，自製一個投資方法揀股。

Kitty：好堅呀，可唔可以講多啲我知。

Alex：當然可以！AI比人類叻嘅地方係，佢唔會攰。你知喇，就算Kobe Bryant（高比拜仁）咁勁，佢都唔可能場場波81分啦。

Kitty：你哋公司今個月剛剛推出咗由機器人管理嘅全球股票ETF Horizons Active AI Global（美股：MIND），咁你一定好清楚AI到底有乜咁巴閉啦？

Raphael：人會恐懼，但AI唔會，因為佢冇情感。比起投資公司用開嘅電腦程式系統，AI系統嘅過人之處就係識不斷學習，從失敗經歷中學習，然後改良選股方法並重整組合，咁就避免犯同樣錯誤喇！相反，電腦程式好冇彈性，所有嘅選股條件一早預設好，所以就算佢上次做錯完，今次都可以照樣錯。

彩兒：咁投資啲咩先捕捉到AI先機？

Kitty：騰訊控股（00700）都應該要揸啩。

Alex：當然喇！騰訊嘅智能聊天機械人幾正！其實中美科網巨頭，BAT（百度、阿里巴巴及騰訊）、Facebook及亞馬遜等都值得買，可合共佔投資組合20%。因為佢哋均有其他收入來源泵錢搞AI，唔急住將AI功能變現，專心搞好AI用戶體驗，所以唔排除佢哋會整到啲具爆炸性嘅嘢出嚟。

晉裕黃耀宗稱，公司暫未持有AI ETF，但持有AI主題ETF如易亞中概股。	AI相關股份年內表現	豐盛黃國英表示，AI ETF表現目前難以判斷。

涉獵機械人及晶片商股

Kitty：有條件真係唔同啲。

Alex：另外，唔好睇小BAT，佢哋有扎根中國嘅優勢，中國人口接近14億，有龐大數據畀佢哋培育AI，所以AI發展可以極快速。

彩兒：Alex，我聽聞你今年賺唔少，你嘅基金投資組合入面，AI貢獻得多唔多？

Alex：頭先講咗，中美大型科網股佔20%。依家砌人工智能硬件係一個潮流，所以AI ETF（交易所買賣基金）係其中一個好選擇。多數AI ETF成分股都包括機械人及晶片製造商，但坦白講，晶片股例如NVIDIA（英偉達）（美股：NVDA）及ASM太平洋（00522）嘅股價會比較Chok，所以唔好落重注。我建議投資者買AI ETF之餘，亦可投資賣零件畀晶片製造商嘅公司，兩者加埋佔投資組合10至20%。

Kitty：其實AI ETF係咩？（一頭霧水）

Andy：問得好！首先要分清咩係AI ETF同AI主題ETF。AI ETF多數係主動型，即係利用AI技術主動管理股票，就例如專投資美股嘅AI Powered Equity ETF（美股：AIEQ）同MIND。AI主題ETF就投資喺啲AI概念股，亦即係你最熟悉嘅科網股，包括Google、騰訊及亞馬遜等。

與「AI主題ETF」有分別

Andy：睇Google同Tesla嘅AI發展前景，就要留意美國政府畀佢哋邊個行先，有First-mover advantage。

彩兒：AIEQ上個月先上市，頭三日表現唔錯，跑贏美股兩大指數，不過之後就唔係好掂。

Kitty：一時賺、一時蝕，究竟AI系統叻唔叻？

Alex：坦白講，AI ETF真係幾新，無咩Track record，好難判斷掂唔掂。再者，今年港股及美股狂升，喺牛市係分辨唔到你係AI定師奶。

Andy：好似AIEQ，只係由AI篩選股票，最後都係由人去決定。表現好嘅時候，幾多Credit畀AI，幾多Credit畀人類，真係一個謎！

所以，我公司暫時無揸AI ETF，但就有揸住AI主題嘅ETF例如易亞中概股（03161）。易亞中概股今年內升近70%，持股包括網易、阿里巴巴、百度等。

彩兒、Kitty