一張邀請卡可以幾有分量？足300克，直頭係一塊「邀請磚」！新鴻基地產（00016）賣樓向來都好有創意兼不惜工本，佢哋呢張邀請「卡」好有心思，用上紫色波浪紋卡紙包裝，入面係張玻璃鏡面邀請「卡」，鏡面印有「SEE YOU THERE」（到時見）同收件人個名，即係每張度身訂造！睇番啲波浪紋，同之前北角臨海豪宅項目海璇嘅請柬好相似，唔通今次關呢個項目事？
