平淡無味嘅人生相信唔係人人都鍾意，因為人生要充滿挑戰至夠精彩，不枉此生！最近日本巨乳寫真妹橘花凜就嚟個自我挑戰，同時越級挑戰AV女優，實行突破自己同時谷起人氣！
我師傅一向都好鍾意睇日本水着寫真，睇咗咁多年，佢表示心目中有三大巨乳女神，分別係小池榮子、優香以及瀧澤乃南。師傅話佢哋三個真係好抵死，抵死在於上圍極大，仲係天然真波，搞到觀眾睇過之後往往返唔到轉頭，對其他疑似打假波嘅巨乳妹冇晒興趣，睇唔入眼，你話係咪抵死先！現役日本寫真妹當中上圍填充住人工物料嘅的確有唔少，但係擁有純天然好波嘅一樣有好多，今日為大家介紹嘅橘花凜就係其中一個擁有絕世好波嘅寫真妹喇！
橘花凜今年27歲，面上泛起淺淡嘅姊系氣息，感覺和善親切，而且極具治愈能量！至於身材方面，充滿攝人魔力，肌膚鮮嫩滑溜，配埋上圍對彈性十足又脹卜卜嘅H奶，真係火辣到令人睇到目不轉睛！
2014年橘花凜喺原宿被星探發掘成為寫真女郎，首部寫真映像作品《勇氣凜凜》成績優異，推出之後火速成為網購網站亞馬遜嘅寫真碟銷量榜冠軍！廣大觀眾見識過橘花凜嘅身材、美貌以及個人魅力之後，都一致認為佢有資格成為寫真天后原幹惠嘅接班人，事實上阿妹亦視原幹惠為發憤目標。
橘花凜人氣漸漸上升，搵錢愈來愈多，同時胃口亦愈來愈大，餐餐大魚大肉，搞到體重上升，外表走樣，自然令粉絲嘅支持度下降，往後有一段日子凜妹唔見咗蹤影，原來佢係為咗減肥力挽人氣。今年凜妹減肥成功，曝光率亦愈嚟愈高，仲推出咗出道以來首本寫真集《凛として》，當中阿妹以遮住三點嘅全裸姿態上陣，實行挑戰個人性感極限！最近，橘花凜再下一城挑戰AV女優添！電影《潛入捜査官～洗腦の監獄～》將於11月推出，喺片中凜妹扮演火辣女搜查官，而呢類搜查官題材喺AV界極為常見，阿妹亦表示的確能夠勾引大家對搜查官AV作品嘅印象，雖然佢一點不露，但係希望能夠以意態撩人嘅表情及肢體動作，令電影嘅吸睛度直逼AV作品咁話。
簡介：橘花凜近期工作繁忙，開完攝影會又要參與舞台劇演出，真係周身都唔得閒！之不過，幾唔得閒都好，凜妹都會喺Twitter透露自己嘅最新動向，大家想知道阿妹搞緊乜嘢，就要實喇！
網址：https://twitter.com/rin_rin_t
年齡：27歲
身高：5呎3吋
三圍：37-24-36
撰文：賢