全宇宙邊度嘅銀行最穩陣？美國財經網站《Business Insider》拆解，全球十七個地區中，芬蘭與加拿大嘅銀行業係最安全嘅，齊齊雙冠軍。香港排第七，新加坡排第五，又贏香港！
第一名打和，由「冧莊」嘅芬蘭同上年排第三嘅加拿大奪得雙冠軍。報道話芬蘭銀行業以綜合性業務及儲蓄業務為主，風險較低，而且該國央行行長曾於歐盟提出方案，建議分拆銀行嘅投資業務及存款活動，所以安全過安全。
至於加拿大嘅銀行業，「穩定」就係佢哋一直以來嘅代名詞，該國近一百年來只有兩間地區銀行倒閉，就算喺一九三○年代經濟大蕭條期間都冇任何一間銀行執笠，簡直係宇宙最強！
余絲韻