鷹君集團（00041）羅氏家族創辦人羅杜莉君（羅老太）自從六月同傳媒茶敍之後，好耐都無出嚟見大家。尋日佢第二仔羅旭瑞嘅富豪機場酒店慶祝連續第十年攞「全球最佳機場酒店獎」，羅老太罕有現身。佢精神奕奕，但係就只願影相，傳媒埋唔到身問佢問題。
嫲嫲唔講嘢，惟有孫女羅寶文代答啦。佢話嫲嫲好鍾意新鮮事物，知道今晚有魔術表演所以過嚟睇。但實情係嫲嫲好少會開口去讚仔女，可能係上一代人唔興啦，而嫲嫲親身出席，即係用行動話爸爸羅旭瑞管理得間酒店好好喎。咁幾時可以再茶敍，講講家族風波進展呀？今次羅旭瑞就代答：「再約啦！」
余絲韻
