本欄講過，恒指一日返唔到10日線之上企穩，暫時期指客是不宜太急做長倉。上周五美股高收，恒指昨日裂口開28,557點，迅即向下跌穿10日線，隱隱然預示即市唔買得的信號，雖然恒指即市未衰到破埋20日線，只係吊緊鹽水，可是確認回穩轉勢之前，暫時最多是當上落市，甚至短線見了高位的心態去看待。
恒指昨日收報28,305點，跌181點，國指收報11,491點，跌67點，即月期指日市高水17點報28,322點，國期平水收11,491點，主板成交913億元。
日線圖上，昨日個市收得唔靚，未能延續上周五反彈態勢，由於上周五的即市低位28,313點亦已失守，筆者甚至感到短期市況傾向偏淡的氣氛。事實上，美股上周連番破關，港股唔願追隨做好，擔心一旦美股在稅改出籠前後回調，港股可能受到波及，恒指上唔返10日線甚至28,620點樓上，期指唔買得之餘，手上有重貨的股友，要考慮減一減磅。
John Mullen