iPhoneX VS 閱文 抽邊樣？
全城期待的iPhone X本周五接受預訂，又係「果農」準備賺一筆嘅時候。不過，今個星期要炒嘢賺錢，又何止得iPhone X？事關由「股王」騰訊控股（00700）分拆上市的閱文集團（00772），亦於本周四公開招股，兩者投資額均1萬元左右。抽iPhone X定係抽閱文？點揀最着數？
股份可中長線投資
銀河證券業務發展董事羅尚沛表示，iPhone X的預期回報一定高過抽閱文，相信iPhone X最多可以炒高「成皮嘢」，但預料閱文「都係賺3、4千蚊」。他指，雖然抽閱文及買iPhone X的成本相若，但抽閱文風險較高，更可能要坐貨。至於iPhone X「唔炒都可以自用，又型又威」！
君陽證券行政總裁鄧聲興則認為兩者預期回報差不多。他表示，作為新股，閱文表現預期將較眾安在綫財產保險（06060）優勝，估計將有六成多升幅。至於iPhone X相信最高峰也只會炒高6、7千元。不過，他認為炒iPhone X要把握炒賣時機，難度相對較高，持有閱文則可以作為中長線投資。
抽到手機或賺個開
出售iPhone在旺角先達廣場打響名堂的先達手機舖G-World店主Lo哥稱，「已準備用數百萬元投資iPhone X，主要是收機轉售賺差價，估計每部賺數百元。」他更估計，今次若抽中iPhone X，最多可賺成個開。
但Lo哥沒有留意過閱文，他說，「就算想買股票，始終做生意還做生意，投資還投資，投資風險各異。一向做生意或投資嘅資金各佔一半。」