好似中國名酒五糧液咁，佢哋嘅四川五糧液集團註冊咗嘅商標多達二千幾個，唔止包埋六、七、八糧液，連各省簡稱在前嘅「變種」好似甘糧液、京糧液、貴糧液、陝糧液等都通通掃埋。
小米手機同樣一網打盡，註冊埋大米、藍米、黑米、紫米、橙米、綠米、黃米、橘米等，七彩咁多。
星巴克（Starbucks）就發揮拼音智慧，搶註埋辛巴克、新巴克、興巴克、索巴克、星巴特等幾十個名，只要你諗得出，佢都註冊咗。
但都未夠阿里巴巴狼，唔止阿里爸爸、阿里媽媽，連阿里姐姐、妹妹、哥哥、弟弟、叔叔、姑姑……合家齊晒，夠開兩圍麻雀！
講到山寨呢樣嘢，果然係知己知彼。
余絲韻