絲絲講場：MetLife美籍CEO 叻講「九唔搭八」
MetLife（香港大都會人壽）新上任CEO胡得力（Lee Wood），佢最叻嗰句廣東話係「九唔搭八」！
胡得力係美國人，嚟咗香港八個月。畀同事篤爆佢「九唔搭八」呢句廣東話佢一教就識。
佢曾經駐過台灣，雞腳、蛇膽、豬血糕通通都試過，仲話會努力發掘香港美食。
講起MetLife今年係149周年，會有一連串大搞作，例如推出流動雪糕車免費請途人食雪糕，聽講有非一般嘅口味。
話時話，佢哋公司今年首季成績表非常省鏡，新做保費業務收入按年增457%，高於市場約20%水平，明年打算將保險代理團隊增至1,500人添。
余絲韻