鷹君集團（00041）羅氏家族爭產風波未解決之際，已故鷹君集團創辦人羅鷹石孻仔羅啟瑞，噚日早上透過公關發電郵，廣邀傳媒今日到羅家二子羅旭瑞旗下嘅富豪酒店開記者會。電郵無寫明記者會主題，絲絲當然問公關姐姐開咩題目，公關姐姐話「應該講各樣嘅事」。令人有無限遐想。
不過，同日下晝公關姐姐卻突然打電話嚟，話羅啟瑞希望記者會延期至下個星期，原因？「羅生（羅啟瑞）冇詳細講」。
其實下個禮拜，仲有羅旭瑞旗下世城系多家公司開股東周年大會，唔知到時會係兩兄弟一齊見傳媒，定係分開兩日見呢？
余絲韻