絲絲講場：做科技界CEO最易變富豪

做Intern嘅收入，就科技一瓣贏成條街，簡直係初出茅廬者嘅天地。好嘞，咁做到上去要講究經驗與成熟嘅CEO（行政總裁）世界又點？邊度最易做個有錢CEO？Sorry，一樣係Tech！

英國財富諮詢機構Wealth Insight新鮮熱辣調查話，全球計，科技及電訊行有錢CEO比例最高（18%），其次係金融服務及投資界（15%）。呢啲CEO平均58歲，多數係男人，身家計番港元由3,900萬至2.34億元不等。當中一半係白手興家，38%係打工賺番嚟，7%係本身屋企有錢，5%就係繼承得來嘅。