絲絲講場：歐50億舊銀紙變廢紙

歐元流通咗十五年，但當地原來仲有超過價值150億歐元（約1,243.2億港元）嘅原有貨幣未被換做歐元！當中德國馬克佔大多數，計落有成65億歐元。

若櫃桶底搵到歐洲貨幣但仲未兌換會點？Sorry，歐元區有12個地區嘅央行均中止兌換原有Coins（硬幣）；講到紙幣嘅話，法國、意大利、芬蘭及希臘等地嘅兌換舊紙幣期限亦已過，錯過咗兌換時間，手上嘅貨幣即刻一文不值。照咁計，目前約有三分之一嘅未兌換貨幣已經變得冇價值，即係話有超過50億歐元嘅舊銀紙，已經變咗廢紙。