絲絲講場：信安歐陽伯權40年未嘗長假

三大目標 退而不休

Rex合約六月先完，扣埋大假，下周就可以提早榮休去歎世界。但佢就透露，Plan好四月會做「跟得先生」陪太太去日本，五月就飛美國同美國信安董事會傾偈！

佢認自己係工作狂，又冇乜嗜好，以前學高爾夫球又畀波友笑水皮，所以就冇再玩落去。佢又自爆忍受唔到悶，對上一次放「長假」已經係七五年，嗰時佢喺加拿大，放咗一星期左右長假，返香港探家人。

唔好以為Rex安心做退休人士。佢話有三大目標：一係唔坐喺屋企；二係做慈善；三就係喺呢個行業繼續做顧問。去邊度做顧問？Rex就話：「唔講住！」

退而不休，太太有冇投訴？佢指住耳仔話：「哈，我聽覺有問題！」

余絲韻