無端收到一張唔係寄畀自己嘅現金卡，你會點做？繼續Keep住佢，定係還番畀人？呢個決定原來可以睇得出你具有嘅係有錢人定窮人心態！
話說荷蘭埃拉斯穆斯大學經濟學系教授Jan Stoop就做咗一個實地研究，用五年時間同另外兩位研究員扮演成郵差，將唔同面額嘅現金卡，分別為20歐元（約165港元）、5歐元（約41港元）等「誤寄」畀唔同嘅人。
結果係點呢？個研究最後發現，住喺大屋嘅人相比起無咁富有嘅人，會更老實更願意還番張卡。
阿教授更得出一條可以知道一個人會唔會還番張卡嘅公式，就係「alpha-n-c」。alpha係一個人嘅利他程度（簡單講即係有幾為他人設想幾抵得諗）；n係收卡人對張卡嘅需要；c係還卡成本嘅壓力。阿教授話，人無論變得富與貧，嗰個人有幾為他人設想（即是alpha）都唔會改變，不過後面嗰兩項n同c就同收卡者當時係富定係貧有關。
愈有錢就愈唔貪愈老實？No啦，只係嫌20歐元太少睇唔上眼咋……
余絲韻