絲絲講場：金管局新展區要壓測！
中環又有新景點，但金管局話要先做壓測？！話說金融管理局資訊中心嘅新展區就快裝修完，二月廿四號會重開，依家做緊「壓力測試」，即係要局內同事試吓人流負荷先。
新展區有咩新搞作？
聽聞今次引入好多互動元素，如有六款互動遊戲，而且新展板嘅文字淺白易明咗，如果想知金管局究竟係做啲乜，撳吓玩吓新設嘅輕觸式屏幕就乜都知。仲有消費者教育專區，醒大家銀行服務貼士。
喺邊？就係喺中環IFC（國際金融中心）二期55樓，新展區開放時間係周一至周五上午10點至傍晚6點、周六早上10點至下午1點，紅日休息o架！
余絲韻