下周六就係大年初一，絲絲度緊個新年發財大計，呢10日買A股93%機會賺錢，就係農曆新年收市前5個交易日與開市之後5個交易日。
內地券商做咗統計，過去十五年，呢啲農曆新年前後嘅日子，滬綜指上漲機會高達93%，平均升幅4.4%。
若單計農曆新年前5個交易日，升市機會更大，高達93.3%，平均升幅2.8%；農曆新年後5個交易日，升市機會都高達80%，平均升幅1.6%。
點解？分析員解釋，春節升市主因係周圍錢多，打工仔普遍已花紅落袋，所以唔怕冒啲風險，啲大戶亦諗住新一年部署入市，股市因而被推高；仲有就係，通常春節後無幾耐就係「兩會」，市場普遍憧憬有利好經濟政策出，故炒定先。
港股？絲絲Check過舊年恒指，Sorry，嗰幾日係跌嘅。再提句，A股一月二十七日（周五）至二月二日（周四）休市，想發A股財，自己Mark低日子。
余絲韻