絲絲講場：國壽新大樓楊董讚敦厚

比起其他高聳入雲嘅大廈，樓高17層嘅中國人壽中心確係唔算高，不過楊董話勝在夠敦厚、夠穩，又話「山不在高，有仙則名」，仲話咁正正代表國壽重視風險管理，穩健經營。楊董又話大樓另一特點係夠敞亮，仲背靠獅子山、遠眺海港，呢個特殊風水令佢覺得好欣慰咁話。

落足嘴頭嗌買保險

同場仲舉行咗「中國人壽國際金融研修院」開幕禮，研修院日後會為國壽員工提供短期研修。楊董尋日仲四萬咁口建議大家購買國壽嘅長期保單。在場咁多銀行界、保險界老總，真識做生意！

余絲韻