絲絲講場：狂人內閣搞「巫毒經濟」？
特朗普即將成為美國總統，何止佢本人，就連佢挑選嘅兩名新政府要員—經濟學家納瓦羅與富商羅斯同樣咁惹火。前財長薩默斯炮轟呢兩位合撰嘅經濟報告已經唔止係「巫毒經濟學」咁簡單，啲論據與邏輯直頭去到「創造論」級。
前財長薩默斯炮轟
洋人口中嘅巫毒（Voodoo），往往聯想到啲神怪法術呀咁。查實「巫毒經濟學」係指以擴張赤字（即是使大佢）來預支國家經濟，唔止不切實際，仲不能自拔。
話說九月時，納瓦羅與羅斯公開咗份合撰嘅報告，為競選中嘅特朗普勾勒經濟政策藍圖，薩默斯講緊嘅就係呢份「巨著」。而羅斯獲提名為商務部長，納瓦羅則獲委任領導新成立嘅白宮國家貿易會議。
絲絲點睇？薩默斯就係克林頓時期嘅美國財長，○一至○六年期間係哈佛大學校長；羅斯係個富商，納瓦羅寫過嘅書有《Death by China》（致命中國）。你話呢？
余絲韻