金魚缸玩家今年戰報

基金經理篇 陳昕：撈龍工回報逾六成

峰匯金融集團基金經理陳昕透露，今年最漂亮交易是工程機械製造商中國龍工（03339），回報超過六成，主要是內地嚴格執行歐盟淘汰四、五期柴油發動機的環保標準，推動更換需求，以及為時數年的去庫存周期告終。

至於全年最慘交易則是深圳發展（00152），虧蝕逾一成。

分析員篇 林嘉麒：主力買環球基金

比富達證券研究部主管林嘉麒指，年初時趁低位時入市，個人投資策略較保守及長線，以環球基金產品為主，總結全年投資約有20%回報。

分析員篇 植耀輝：今年回報一成

過去數年投資錄得雙位數回報的耀才證券（01428）研究部總監植耀輝說：「今年投資回報約10%，主要是低位時分批買入騰訊控股（00700）及載通（00062）收息。」

分析員篇 溫傑：靠細價股發圍

新鴻基金融財富管理策略師溫傑表示，特朗普意外當選美國總統，令自己之前買入的黃金相關基金大失預算。

不過，「好彩第三及第四季於細價股搵到機會，平均計全年賺約10%。」

散戶篇 元朗股神：估英脫歐勁賺

元朗股神曾錦安說：「今年無買股票，但買咗期權同牛熊證。記得六月底，我估中英國會脫歐，買啲期權轉手就賺幾十萬，但最激氣係美國大選，我都估中特朗普會贏，點知要返工無入貨，結果真係大跌之後又升幾百點。一七年個市會幾震，但『上帝叫你滅亡，先要你瘋狂！』所以明年第二季個市升穿24,000點後，大家就要小心。」

散戶篇 盧先生：全年蝕多過賺

盧先生說：「今年投資成績普普通通，全年買咗大約十隻股票，全部蝕多過賺！講到最失望就梗係深港通啦！完全無預期咁好，啲藍籌股都唔係咁掂。一七年仍有好多變數，如特朗普上場，預計息口會升，所以上半年會保本為主，搵啲有息派、市盈率無咁高嘅股票。」