假如中國放棄力保經濟增長率，未必一定是壞事。過去六年，中國經濟增長率年年達標，股市也不見得好景，因為股票的價值在於盈利前景，並非生意額。反而整個餅縮細，生還者變得有利可圖，股市也可以復甦，所以不再執着假大空的數據，應該沒有甚麼影響。
不過，港股正處於一個特大號信心危機，A股、美股以及新興市場三瓣中，只要其中一個跌，港股都已經無運行。
普羅大眾根本已經死了心，「升完遲早又跌過」的想法牢不可破。阻力位日日向下移，個幾星期前23,000點才算高，轉眼間22,000點就好大阻力，由於跌得慢，折磨時間拉長影響了大家對於高低的概念，令購買意欲更低，所以即使認為無謂落井下石，也沒有把握去雪中送炭，惟有不加不減，等待市況出現曙光才算。
在這種市況中，身邊戰友大部分日日短炒幾十點期指頂住先，但其實可以反其道而行，放棄短炒，買齊遠期超價外Call Put然後離場等，博美國換總統後會令港股打破多年悶局。
觀乎目前明年恒指的預測，大多圍繞在24,000至25,000點，而最差也不穿18,000點，經紀焗睇好又唔敢睇得太好，多數唔中。既然有關鍵轉變，衰到貼地又或者好到你唔信才更合理。
反正期權平，買齊一套又可止手痕，萬一輸錢就當作戒賭療程的使費，至於騰出來的時間，可以用來補課，追蹤海外巿場。
豐盛金融資產管理董事 黃國英（作者為註冊持牌人士）