港男眾籌148萬圓機械人夢

提到機械人，大家第一時間會聯想到有手有腳的機械人。但80後港人林天麟，則研發出一部無手無腳機械人BIG-i。BIG-i高76.5厘米、直徑34厘米，重約12公斤。用家可以透過英文和普通話聲控BIG-i，讓它執行指令。他舉例指，「如果喺夜晚七點鐘，你就幫我搵我爸爸出嚟，提醒佢夠鐘食藥啦」。

林天麟形容BIG-i像一名小孩，「去一個新地方時候，行一圈，自己構建個Map。呢個Map只知道物理上嘅框架，但佢唔知個地點係乜名，咁你就要話佢知嗰度係乜地方，佢就會記得」。BIG-i靠電池運作，林天麟表示，一般充電約2小時，就可運作約4小時。

資金用作生產組裝

早前BIG-i在眾籌平台Kickstarter進行45日的集資，目標金額是10萬美元（約78萬港元），最終籌得超過19萬美元，折合逾148萬港元。林天麟稱，早在集資開始第二、三天已達標，而集資所得的資金，會用作生產模具和組裝BIG-i。

眾籌要成功，他認為有三大原則，「首先要知道你想做眾籌嘅原因，另外你要好清楚你產品嘅用戶群係邊啲人，喺邊度搵到。第三你點解認為你做嘅嘢吸引到呢班人」。

他續指，BIG-i是主攻歐美和中國等市場，機械人愛好者同樣是他的目標，因為他們可以自己編寫程式，再植入BIG-i，注入新的功能。

看好前景 搶佔市場

林天麟甚為看好家居機械人的發展前景，認為它可媲美手機市場的發展，故想盡早進入市場搶佔一席位。

不過，他認為因為這個市場是未發展，「以一般人嘅理解，會有難度嘅。唔同你賣日常用品，平時都用開，知道係乜嚟。」

對於眾籌的前景，他指眾籌較適合成本低的產品，用來籌集資金，但對於研發機械人，則不能單靠眾籌籌集所需資金，因成本很高。故他表示將為BIG-i進行融資，預計第一批BIG-i在明年四月會在美國和中國推出。